น้อยใจยา พี่กบ&พี่คิม

[MUSIC]http://palungjit.org/attachments/a.3174150/[/MUSIC]

เพลง น้อยใจยา ศิลปิน จรัล - สุนทรี
หัดร้องโดย Kob & Kim

(จรัล) ปวงดอกไม้ เบ่งบานสลอน ฝูงภมร แม่เผิ้งสอดไซร้
ดอกพิกุล ของปี้ต้นใต่ ลมปั๊ดไม้ มาสู่บ้านตู๋
ฮู้แน่ซัด เข้าสอดสองหู ว่าสีจ๊มปู ถูกปั๊มเก๊าเนิ้ง
เก๊ามันต๋าย ป๋ายมันเซิ้ง ลำกิ่งเนิ้ง ต๋ายโก้นตวยแนว
ดอกพิกุล ก่คือดอกแก้ว ไปเป๋นของเปิ้น แล้วเน้อ

(สุนทรี) แต๋มเก๊าเนิ้ง กิ่งมันบ่ถอน บ่ไหวเฟือนคลอน กิ่งใบไหวเลา
ต๋ามก๊ำลม เปิ้นปั๊ดออกเข้า มีแต่เก๊า ไหวหวั่นคลอนเฝือน
กิ่งมันแต้ บ่แซสะเหลือน บ่เหมือนลมเจย รำเพยก่จะนั้น
ใจ๋น้องญิง นี้หนิมเตี้ยงมั่น บ่เป๋นของเปิ้น คนใด
ยังเป๋นกระจก แว่นแก้วเงาใส บ่ไหวคลอนเหงี่ยง จ้ายเน้อ

(จรัล) ตั๋วปี้น้อย จักขอถาม
ต๋ามกำลม เปิ้นมาเล่าอู้ ว่านายมีจู๊ อยู่บ้านวังสิงห์คำ
ฝ่ายตางปู๊น เปิ้นมาใส่ประจ๋ำ บ้านวังสิงห์คำ เปิ้นหมั้นก่ไว้แล้ว
ป้อแม่สาวน้องนางแว่นแก้ว ก่ตกลงแล้ว บ่ไจ้กาหา
เปิ้นจะกิ๋นแขก แต่งก๋านก่วิวาห์ เมื่อใดจา ปี้น้อยใคร่ฮู้เก๊า
ส่วนใจยา บ่สมเปิ้งเจ้า ปี้เขียมเข้าของ เงินทอง
ฝ่ายตั๋วนาย บ่หมายเกี่ยวข้อง มาละหมองต่ำ ก้อยเน้อ

(สุนทรี) ตั๋วน้องนี้ บ่ล่าไหลหลง ก๋านตกลง ก่ยังบ่แล้ว
จึงเจิญตั๋ว ปี้มาห้วยแก้ว เพราะใคร่ฮู้ กำฟู่กำจ๋า
จึ่งเจิญน้อย ปี้มาเปิกษา จะว่าใดจา ตั๋วน้องก่ใคร่ฮู้
ก๋านตี้มาฟู่อู้ จะเอาเป๋นจู๊ กาว่าเอาเป๋นเมีย
หรือจะลบล้าง ลืมลายหายเสีย บ่เอาเป๋นเมีย
หรือจักทิ้งเสียแล้ว
หรือเอาเป๋น เมียนางจ๊างแก้ว อยู่เป๋นกู้ เตียงคิง
ขอบอกนาย หื้อแน่ใจ๋จริง บ่อำพรางนาถ น้องเน้อ

(จรัล) บ่จุ๊หลอกน้อง หื้อหม่นหมองหมาง บ่ล่อลวงพราง แม่นางฮ้างแก้ว
ปี้หมายเอาเป๋น เมียนางจ้างแก้ว บ่หื้อคลาดแคล้ว เรื่องกำสีเนห์
หลอนแก้วน้อง ใจยังบ่แหว เรื่องกำสีเนห์ เหมือนปี้ก่กึ๊ดเล้า
หลอนปี้จุ๊ ยังล่ายเจ้า ขอหื้อฟ้าผ่า หัวแม่เมียต๋าย
ลูกแม่ญิง อู้เล่นก่บ่ดาย ลูกป้อจาย อู้แต้ก่บ่พลั้ง
หลอนนายต๋าย เป๋นไก่ตั้ง ปี้น้อยจะต๋าย เป๋นคืน
ฟู่บ่ถูก วันพูกก่บ่ขืน ฟู่มะคืน ตึงบ่ขืนเมื่อเจ๊า
ตัวข้าตึงยังเผียบเจ้าเป็นเหมือนเหล้ากับปาง
ปากกำได ปี้ก็ตึงบ่ใจ้จ๋างจาก น้องเน้อ

 

ใบบุญไม่แก้วมาแจก แต่มียิ้มมาแจกจ้า อิอิ



​

 

ได้บรรยากาศทางเหนืออ่ะเจ้า นี่ถ้าเปิดตอนช่วงปลายๆ ปี บรรยากาศหนาวๆ
ตอนนั้นคงฟังเพลินเลยครับ พี่กบ พี่คิม